عەلی مەردان

لە ساڵی ١٩٠٤ لە شاری کەرکوک لە گەڕەکی تەکیەی شێخ عەلی لەدایک بووە. مامۆستا عەلی مەردان، جگە لە دەنگە بەسۆز و ڕەسەنەکەی شارەزای ژەنینی چەند ئامێری موزیک بووە کە خۆی ئامێری عودی زیاتر لا پەسەند بووە. هەروەها شارەزای زمان و ئەدەبی کوردی، عەرەبی، فارسی و تورکمانی بووە و شیعری زۆربەی شاعیرەکانی لە دەیان بەستە و مەقامدا خوێندووەتەوە. عەلی مەردان مەقامزان و داهێنەری کورد، پاش نیوسەدە خزمەتی بێوچان بۆ ئاواز و گۆرانی کوردی، لە ساڵی ١٩٨١ زایینی دا کۆچی دوایی کرد.