خەلیل سدیقی

ساڵی ١٩٣٠ لە بنەماڵەیكی ناسراوی شاری مەهاباد لەدایك بووە. زۆربەی كاتی منداڵی، لە گوندەكەی خۆیان "تازەقەڵای نزیكی نەغەدە"، گوزەراندووە. خەلیل ساڵانی ١٩٥٣-١٩٦٣ لە ڕادیۆی مەهاباد گۆرانی گوتووە، دەنگی ئەم ڕادیۆیە، تەنها لە شاری مەهاباد و ئاواییەكانی دەوروبەری بیستراوە، بەرهەمەكانیش ڕاستەوخۆ بڵاوكراونەتەوە و تۆمارنەبوون. لەم ڕادیۆیەدا، پەیوەندی لەگەڵ چەند هونەرمەندێكدا هەبووە، وەك: سەید ڕەحیم قوڕەیشی، برایم ئەفخەمی و بیووك خانباغی. لە ٤/٢/١٩٧٠ سدیقی لە نەخۆشخانەی شێروخورشیدی شاری مەهاباد ماڵئاوایی یەكجاری كردووە و لە گۆڕستانی بوداغ سوڵتانی ئەو شارە نێژراوە.