غوڵام عەلی ڕۆمی

لە ساڵی ١٩٣١ لە شاری سنە لە بنەماڵەیەكی دەنگخۆش لە دایك بووە. باوكی، مەقامات و ڕەدیفەكانی مۆسیقای ئێرانی باش زانیوە و یەكێك لە هاوڕێ نزیكەكانی سەیید عەلی ئەسغەری كوردستانی بووە. ڕۆمی، لە خزمەتی گەورە مامۆستایانی وەكو (مەحموود كەریمی و غوڵام حسێن بەنان) مەقاماتی ئێران فێر دەبێ و دەڕواتە نێو بەرنامەكانی ڕادیۆی تاران، كە تەنیا لە تاران دەبیسترا. ڕۆمی، شیعری شاعیرانی بەناوبانگی ئەو سەردەمەی ئێرانی، وەكو (دكتۆر نەییری سینا، نەواب سەفا و موعینی كرماشانی) لە گۆرانییەكانیدا بەكارهێناوە. غوڵام ڕۆمی، لەگەڵ هەر گۆرانییەكی فارسیدا كە لە ڕادیۆی تاران دەیخوێند، گۆرانییەكی فۆلكلۆری كوردیشی گوتووە.